ಐ.ಎ.ಎಫ್.ಟಿ.ಯ ವಾರ್ಷಿಕ ಸಾಮಾನ್ಯ ಸಭೆ (AGM) ಸಂಸ್ಥೆಯ ಕಾರ್ಯಚಟುವಟಿಕೆಗಳು ಮತ್ತು ಹಣಕಾಸಿನ ಸ್ಥಿತಿಯ ಬಗ್ಗೆ ಪ್ರಸ್ತುತ ಮಾಹಿತಿ ಪಡೆಯಲು ಪಾಲುದಾರರು ಮತ್ತು ಸದಸ್ಯರಿಗೆ ಒಂದು ಅವಕಾಶವಾಗಿ ಕಾರ್ಯನಿರ್ವಹಿಸುತ್ತದೆ. ವಾರ್ಷಿಕ ಸರ್ವಸದಸ್ಯರ ಸಭೆಯಲ್ಲಿ ಪಾಲ್ಗೊಳ್ಳುವವರು ಸಂಬಂಧಿತ ವಿಷಯಗಳ ಮೇಲೆ ತಮ್ಮ ಮತಗಳನ್ನು ಚಲಾಯಿಸಲು ಸಾಧ್ಯವಾಗುತ್ತದೆ, ಪಾರದರ್ಶಕತೆ ಮತ್ತು ಹೊಣೆಗಾರಿಕೆಯನ್ನು ಉತ್ತೇಜಿಸುತ್ತದೆ. ಈ ಸಭೆಗಳನ್ನು ವರ್ಷಕ್ಕೊಮ್ಮೆ ನಡೆಸಲಾಗುತ್ತದೆ ಮತ್ತು ಹೆಚ್ಚಿನ ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸಲು ಕಚೇರಿಯ ಹೊರಗೆ ನಡೆಸಲಾಗುತ್ತದೆ.

ವಾರ್ಷಿಕ ಸರ್ವಸದಸ್ಯರ ಸಭೆಯ ಜೊತೆಗೆ, ವಿಶೇಷ ಸಾಮಾನ್ಯ ಸಭೆಗಳನ್ನು (SGM) ನಿರ್ದಿಷ್ಟ, ಪ್ರಚಲಿತ ವಿಷಯಗಳಾದ  ಒಳನಿಯಮ ವಿಮರ್ಶೆಗಳು ಮತ್ತು ತಿದ್ದುಪಡಿಗಳು, ಚುನಾವಣಾ ಜಾಗೃತಿ ಅಥವಾ ಸರ್ಕಾರಿ ಅಧಿಕಾರಿಗಳಿಂದ ಪ್ರಮುಖ ಸಂವಹನಗಳಿಗೆ ಕರೆಯಬಹುದು. ವಿಶೇಷ  ಸಾಮಾನ್ಯ ಸಭೆ ಗಳು ಚಾಲ್ತಿಯಲ್ಲಿರುವ ವಿಷಯದ ಮೇಲೆ ಮಾತ್ರ ಕೇಂದ್ರೀಕರಿಸುತ್ತವೆ ಮತ್ತು ಈ ಸಭೆಗಳಲ್ಲಿ ಯಾವುದೇ ಇತರ ವ್ಯವಹಾರಗಳನ್ನು ನಡೆಸಲಾಗುವುದಿಲ್ಲ.

ಐ.ಎ.ಎಫ್.ಟಿ.ಯ ಕಾರ್ಯಕಾರಿ ಸಮಿತಿಯು (EC) ಪ್ರತಿ ಎರಡು ತಿಂಗಳಿಗೊಮ್ಮೆ ವಿವಿಧ  ಸ್ಥಳಗಳಲ್ಲಿ ಕೆಲವೊಮ್ಮೆ ಕ್ಷೇತ್ರ ಭೇಟಿಗಳ ಜೊತೆಯಲ್ಲಿ ಭೇಟಿಯಾಗುತ್ತದೆ. ಈ ಸಭೆಗಳು ಮಾರುಕಟ್ಟೆ, ಹೊಸ ಯೋಜನೆಗಳು ಮತ್ತು ನೀತಿಗಳ ಅನುಷ್ಠಾನಗಳ ಕುರಿತು ಒಳನೋಟಗಳನ್ನು ಹಂಚಿಕೊಳ್ಳಲು ತಜ್ಞರಿಗೆ ಅವಕಾಶವನ್ನು ಒದಗಿಸುತ್ತದೆ. ಕಾರ್ಯಕಾರಿ ಸಮಿತಿ  ಸಭೆಗಳಲ್ಲಿ, ಜರುಗುತ್ತಿರುವ  ಚಟುವಟಿಕೆಗಳ ಪ್ರಗತಿ, ಉಪಸಮಿತಿಯ ಶಿಫಾರಸ್ಸುಗಳು ಮತ್ತು ಆರ್ಥಿಕ ಸ್ಥಿತಿಯ ಕುರಿತು ಚರ್ಚಿಸಲಾಗುತ್ತದೆ. ಸದಸ್ಯರು ನಮ್ಮ ವೆಬ್‌ಸೈಟ್‌ನಲ್ಲಿ ಈ ಸಭೆಗಳ ಛಾಯಾಚಿತ್ರಗಳು ಮತ್ತು ವೀಡಿಯೊಗಳನ್ನು ವೀಕ್ಷಿಸಬಹುದು.